ინდონეზიის კუნძულ ლომბლინზე, ვულკანი ლევოტოლო ამოიფრქვა. ამის შესახებ უცხოური მედია იუწყება.
ვულკანის კრატერიდან ნაცრისა და კვამლის სვეტი 4 კმ სიმაღლეს აღწევს.
ჯერჯერობით დაზარალებულთა და დაღუპულთა შესახებ ინფორმაცია არ ვრცელდება. ვულკანის ამოფრქვევის გამო, ხელისუფლებამ აკრძალა ფრენები და დახურა ადგილობრივი აეროპორტი.
ინდონეზიაში, რომელიც სეისმურად საშიშ ზონაში მდებარეობს, დაახლოებით 130 მოქმედი ვულკანია.