ლონდონის უნივერსიტეტის კოლეჯისა და სამეფოს ეროვნული კომიტეტის მეცნიერთა განცხადებით, დიდ ბრიტანეთში კორონავირუსის ახალი სიმპტომი გამოვლინდა. ბრიტანული გამოცემა Express-ის ცნობით, კორონავირუსით ინფიცირებული პაციენტების გარკვეულ ნაწილს სმენის დაქვეითება აღენიშნებათ.
COVID-19-ით ინფიცირებული პაციენტები ტინიტუსს უჩივიან. ტინიტუსი არის სინდრომი რომლის დროსაც ხმა სრულ სიჩუმეში გვესმის. ტინიტუსით დაავადებულ პირებს ხშირად ზარის, სტვენის ან სხვა მონოტონური ხმები ესმით.
გარდა ამისა, ბრიტანეთში გამოვლინდა შემთხვევები, როდესაც კორონავირუსით ინფიცირებულ რთულ პაციენტებს მოგვიანებით სმენა სრულად დაუქვეითდათ.
