ინგლისში ჰაკერები სარკინიგზო კომპანია Northern-ის ბილეთების ავტომატებს დაესხნენ თავს. ინფორმაციას BBC ავრცელებს.
კომპანიაში განაცხადეს, რომ ჰაკერები სერვისებს დაესხნენ თავს, რომლებიც ავტომატების მუშაობს უზრუნველყოფს.
"არის ნიშნები, რომ ბილეთების ავტომატების სერვისზე გამომძალველი პროგრამის გამოყენებით კიბერთავდასხმა განხორციელდა", - განაცხადეს კომპანიაში.
ამასთან, კომპანიამ ხაზი გაუსვა, რომ კლიენტების პერსონალური მონაცემებსა და გადახდების შესახებ ინფორმაციას არავითარი საფრთხე არ ემუქრება.
BBC აღნიშნავს, რომ სარკინიგზო ოპერატორმა სენსორული ეკრანების მქონე 621 აპარატის დამონტაჟება 2 თვის წინ დაასრულა. 420 სადგურზე ბილეთების გაყიდვის ავტომატების განთავსება Northern-ს 17 მილიონი ევრო დაუჯდა.
