გამოცემა Radio Free Asia-ის ჟურნალისტები ვიდეოს ავრცელებენ, რომელშიც ჩანს, როგორ აიძულებენ დამცავ ტანსაცმელში გამოწყობილი ადამიანები ერთ-ერთი სახლის ბინადრებს დატოვონ ბინა და კარანტინში გადაინაცვლონ.
ვიდეოს აღწერაში წერია, რომ მისამართზე ადგილობრივი ადმინისტრაციის თანამშრომლები გამოცხადნენ და ოჯახის წევრებს ევაკუაციისთვის მომზადება სთხოვეს. ერთ-ერთმა მამაკაცმა მათ წინააღმდეგობა გაუწია.
ჟურნალისტების თქმით, ამის შემდეგ ადამიანები ბინიდან ძალით გამოათრიეს, ერთ-ერთი ბინადარი კი სასწრაფო მანქანის ქვეშ დამალვას ცდილობდა.
ბოლო მონაცემებით ჩინეთში, საიდანაც დეკემბერში ახალი ტიპის კორონავირუსი2019-nCoV გავრცელდა, დაინფიცირებულთა რიცხვმა 24300-ს მიაღწია. ვირუსმა უკვე იმსხვერპლა 490 ადამიანი. ექიმების დაკვირვების ქვეშ 185500 პაციენტი იმყოფება. ამ დროისთვის გამოჯანმრთელებულია 846 ადამიანი.