ირანისა და ავღანეთის საზღვართან საწვავით დატვირთული ტანკერი აფეთქდა. ამის შესახებ გამოცემა The Guardian წერს.
გავრცელებული ინფორმაციით, ინციდენტის შედეგად, ჰერათის პროვინციაში 60 ადამიანი დაშავდა.
გამოცემის ცნობით, სასაზღვრო პუნქტთან ერთმანეთის მიყოლებით ორი აფეთქება მოხდა, რომელიც ისეთი ძლიერი იყო, რომ NASA-ს თანამგზავრებმა ის კოსმოსიდან დააფიქსირეს.
პირველი აფეთქება ავღანეთის დროით 13:10 საათზე მოხდა, ხოლო მომდევნო ნახევარი საათის შემდეგ, ადგილობრივი დროით 13:42 საათზე.
ჰერათის პროვინციის გუბერნატორის განცხადებით, ხანძრის დროს 500-მდე ავტომობილი დაიწვა.
