ირანმა ერაყში ამერიკულ ბაზებზე სარაკეტო იერიში მიიტანა. ინფორმაციას ამის შესახებ ირანული ტელევიზია ავრცელებს. მედიის ცნობით, იერიში სრული სიზუსტით განხორციელდა.
სარაკეტო დარტყმების სამიზნე გახდა სამხედრო საჰაერო ბაზა აინ ალ-ასადი. აქ 1500 ამერიკელი სამხედრო იმყოფება.
CNN-ის ინფორმაციით, აინ ალ-ასადის ავიაბაზაზე განხორციელებული იერიშისას ერაყელები დაშავდნენ. ტელეარხის ცნობით, წყარომ ჯერჯერობიოთ ვერ გაარკვია, ერაყის მოქალაქეები დაიღუპნენ თუ დაჭრილები არიან. დაშავებულთა ზუსტი რაოდენობა უცნობია.
ამერიკის ოფიციალურმა წარმომადგენელმა CNN- ს განუცხადა, რომ ამჟამად აშშ-ს მოქალაქეების დაღუპვის შესახებ ინფორმაცია არ გავრცელებულა.
ერაყის შეიარაღებული ძალების წარმომადგენლების ცნობით კი, ირანის მიერ განხორციელებული სარაკეტო დარტყმების შედეგად ერაყელი სამხედროები არ დაშავებულან. ამის შესახებ ინფორმაციას სააგენტო „Reuters“ ავრცელებს.
კიდევ ერთი სამხედრო ობიექტი, რომელზეც ირანმა სარაკეტო დარტყმა განახორციელა, ქალაქ ერბილის აეროპორტი იყო. გავრცელებული ინფორმაციით, ერბილის მიმართულებით რამდენიმე ბალისტიკური და ფრთოსანი რაკეტა ისროლეს, თუმცა „სიენენის“ ცნობით, მათი ნაწილი არ აფეთქდა.
ირანის რევოლუციური გვარდიის განცხადებით, აშშ-ის მიერ გადადგმულ ნებისმიერ „რეპრესიულ ნაბიჯს“ ირანის მხრიდან მორიგი უმკაცრესი რეაქცია მოჰყვება.
„ამერიკელებმა ახლა უკვე იციან, რომ მათი ბაზები ერაყში მიზანშია ამოღებული და მასზე შეტევა შეიძლება ისევ განხორციელდეს, თუ აშშ-ს პირველ შეტევაზე რეაქცია ექნება“ .
JUST IN
— Press TV (@PressTV) January 7, 2020
PRESS TV EXCLUSIVE
First #IRGC footage emerges showing #Iran missiles targeting #AinAlAssad airbase in #Iraq in response to General #Soleimani's assassination.#GeneralSoleimani #DecisiveResponse #SoleimaniAssassination pic.twitter.com/vpXA0HvLXG
აიათოლა ალი ჰამენეის წარმომადგენელის განაცხადებით, თეირანის რეაქცია, გენარალ ქასემ სულეიმანის მკვლელობასთან დაკავშირებით, ჯერჯერობით „ყველაზე სუსტი“ ქმედება იყო ირანის შურისძიების სცენარში.
განცხადება ირანის საგარეო საქმეთა მინისტრმა, მუჰამედ ჯავად ზარიფმაც გაავრცელა. მისი თქმით, ირანს არ სურს ესკალაცია.
„ირანმა მიიღო და აღასრულა პროპორციული ზომები თავდაცვის მიზნით, რაც გათვალისწინებულია გაერო-ს ქარტიის 51-ე მუხლით და დარტყმა განახორციელა ბაზაზე, საიდანაც მოხდა შეიარაღებული თავდასხმა ჩვენი მოქალაქეებისა და მაღალჩინოსნების წინააღმდეგ“, – წერს ირანის საგარეო საქმეთა მინისტრი „ტვიტერის“ გვერდზე.
Iran took & concluded proportionate measures in self-defense under Article 51 of UN Charter targeting base from which cowardly armed attack against our citizens & senior officials were launched.
— Javad Zarif (@JZarif) January 8, 2020
We do not seek escalation or war, but will defend ourselves against any aggression.
„სიენენის“ ცნობით, ამერიკელმა სამხედროებმა ირანის სარაკეტო დარტყმის შესახებ გამაფრთხილებელი შეტყობინება დროულად მიიღეს. როგორც ტელეკომპანიას ანონიმურმა წყარომ უთხრა, სამხედროებს ჰქონდათ საკმარისი დრო, რათა თავშესაფრებში ჩასულიყვნენ.
მედეა ცხოვრებაძე
ავტორი