ირანი კორონავირუსთან ბრძოლაში იმედს რუსეთზე ამყარებს. თეირანმა დახმარებისთვის მოსკოვს უკვე მიმართა. ამის შესახებ განცხადება რუსეთში ირანის ელჩმა, ქაზემ ჯალალიმ გააკეთა.
ბოლო მონაცემებით, ირანში კორონავირუსით დაინფიცირებულთა რიცხვი 1501-მდე გაიზარდა, გარდაიცვალა 66 და გამოჯანმრთელდა 291 ადამიანი.
ირანში, სამხრეთ კორეასთან და იტალიასთან ერთად, ჩინეთის შემდეგ, კორონავირუსის გავრცელების ყველაზე მეტი შემთხვევა დაფიქსირდა.