ირანში ერთ დღეში ახალი კორონავირუსით ინფიცირებულთა რაოდენობა 1112-ით გაიზარდა. ამის შესახებ განცხადება ქვეყნის ჯანდაცვის მინისტრის პრესსპიკერმა, კიანუშ ჯაჰანპურმა გააკეთა.
მისი თქმით, ქვეყანაში ახალი კორონავირუსის ინფექცია სულ 92584 ადამიანს დაუდგინეს, მათგან 72 439 პაციენტი გამოჯანმრთელდა. გარდაცვლილია 5877 პაციენტი. ბოლო დღე-ღამეში კორონავირუსს 71 ადამიანი ემსხვერპლა.
