ირანის სამხრეთ-აღმოსავლეთ ნაწილში მომხდარი აფეთქების შედეგად სულ მცირე ერთი ადამიანი დაიღუპა, ხოლო სამი დაშავდა. ამის შესახებ ადგილობრივი საინფორმაციო სააგენტო Mehr იუწყება.
ინციდენტი სისტანისა და ბელუჯისტანის პროვინციის ქალაქ სარავანში, ადგილობრივი დროით 09:30 საათზე მოხდა.
ისლამური რევოლუციური დაცვის კორპუსის პრესსამსახურის ინფორმაციით, აფეთქება ტერორისტული ჯგუფის მიერ იყო ორგანიზებული.
სისტანისა და ბელუჯისტანის პროვინცი პაკისტანისა და ავღანეთის საზღვართან მდებარეობს, რის გამოც რეგიონში ვითარება მუდმივად დაძაბულია. გარდა ამისა, ამ ტერიტორიაზე არაერთი სეპარატისტული და ისლამისტური დაჯგუფება მოქმედებს.
