ირანში "უკრაინული ავიახაზების" Boeing 737-მა კატასტროფა განიცადა, დაიღუპა ბორტზე მყოფი ყველა მგზავრი. ადგილობრივი მედიის ინფორმაციით, უბედური შემთხვევა აფრენიდან მალევე, დილის 6:22 საათზე მოხდა. თავდაპირველად ვრცელდებოდა ინფორმაცია, რომ ბორტზე 180 ადამიანი იმყოფებოდა. ირანის ავიაციის სამინისტროს წარმომადგენლის, ჯაფარ ზადეს თქმით კი, თვითმფრინავში 167 მგზავრი იყო.
Boeing 737 ჰომეინის საერთაშორისო აეროპორტიდან კიევის ბორისპოლის აეროპორტის მიმართულებით ასრულებდა რეისს. კატასტროფის ადგილზე 4 ვერტმფრენი და სამედიცინო დახმარების 22 მანქანა იყო მობილიზებული, თუმცა, მაშველებს მუშაობაში ძლიერი ხანძარი უშლიდა ხელს.
წინასწარი ინფორმაციით ტრაგედიის მიზეზი ტექნიკური პრობლემა გახდა. სხვა დეტალები ამ ეტაპზე უცნობია.
უკრაინულ მხარეს კატასტროფასთან დაკავშირებით კომენტარი ჯერ არ გაუკეთებია.
უბედურ შემთხვევას უკვე გამოეხმაურა „ბოინგის“ პრესმდივანი გორდონ ჯონდრო. მან განაცხადა, რომ კატასტროფის შესახებ კომპანია საქმის კურსშია და მომხდართან დაკავშირებით ინფორმაციას აზუსტებს.
We are following reports that a Ukrainian 737-800 has crashed shortly after takeoff from Tehran. #PS752 departed Tehran at 02:42UTC. Last ADS-B data received at 02:44UTC. https://t.co/qXWHUPGDTu pic.twitter.com/vuAi6TOqTp
— Flightradar24 (@flightradar24) January 8, 2020
#ps752 #ukraine pic.twitter.com/7d55BIxhdg
— Arshia (@ars__hii) January 8, 2020
BREAKING: An Iran emergency official tells state TV that the Boeing 737 crash killed all onboard the Ukrainian commercial jet pic.twitter.com/IzNJHCFlPJ
— QuickTake by Bloomberg (@QuickTake) January 8, 2020
მედეა ცხოვრებაძე
ავტორი