ირანის ინფორმაციისა და საკომუნიკაციო ტექნოლოგიების მინისტრის მოადგილის, ჰამიდ ფათჰის განცხადებით, ირანის მოქალაქეებს ინტერნეტით სარგებლობა შეეზღუდათ. კიბერთავდასხმა შაბათს დილით დაიწყო და ამ დროისთვის შეტევის მეორე ტალღა მიმდინარეობს. ირანის ტერიტორიაზე ინტერნეტით სარგებლობა 75%-ით არის შემცირებული. ამის შესახებ Netblocks იუწყება.
ხელისუფლების განცხადებით, კიბერშეტევამ ინტერნეტ ოპერატორების მუშაობის გაუმართაობა გამოიწვია.
”ირანის ისტორიაში, დაქირავებულმა ჰაკერებმა ყველაზე მასშტაბური თავდასხმა განახორციელეს", - განაცხადა მთავრობის წარმომადგენელმა Twitter- ის პირად გვერდზე.
ადგილობრივი სატელევიზიო არხის ეთერში, მინისტრის მოადგილემ აღნიშნა, რომ კიბერშეტევა ორგანიზებულ ხასიათს ატარებს. მან იმედი გამოთქვა, რომ ირანი აღნიშნულ შემოტევას წარმატებით გაუმკლავდება.
Confirmed: Internet partially shut down #Iran from 11:45 a.m. local time (08:15 UTC); real-time network data show national connectivity fall to 75% after authorities reportedly activated "Digital Fortress" isolation mechanism; incident ongoing
— NetBlocks.org (@netblocks) February 8, 2020
https://t.co/Qb8bxYUT71 pic.twitter.com/bsETg1Sfxb
