ირლანდია კორონავირუსის საწინააღმდეგო AstraZeneca-ს ვაქცინის გამოყენებას უახლოეს დღეებში განაახლებს. ამის შესახებ საინფორმაციო სააგენტო Reuters წერს.
ირლანდიამ AstraZeneca-ს გამოყენება თრომბის განვითარების საშიშროების გამო გასულ კვირას შეაჩერა.
ამას გარდა AstraZeneca-ს გამოყენებას კვლავ განაახლებენ, გერმანიაში, საფრანგეთსა და იტალიაშიც.
ჯანდაცვის მსოფლიო ორგანიზაცია ქვეყნებს AstraZeneca-ს ვაქცინის გამოყენებისაკენ მოუწოდებს.
მანამდე, ჯანდაცვის მსოფლიო ორგანიზაციის ექსპერტთა ჯგუფმა დაასკვნა, რომ თრომბის კავშირი AstraZeneca-ს კორონავირუსის საწინააღმდეგო ვაქცინასთან არ დასტურდება. მათივე განცხადებით, ვაქცინის სარგებელი აჭარბებს რისკებს.
18 მარტს, ევროპის წამლის სააგენტომ AstraZeneca-ს ვაქცინას მწვანე შუქი აუნთო. ევროპის წამლის სააგენტოს ხელმძღვანელმა განაცხადა, რომ AstraZeneca-ს ვაქცინა უსაფრთხო და ეფექტური არჩევანია.