ირლანდიელი ფეხბურთელი ჯოშ დანი დუბლინში ქუჩის ჩხუბის დროს მოკლეს. ამის შესახებ ინფორმაციას ადგილობრივი მედია ავრცელებს.
კონფლიქტის დროს 16 წლის სპორტსმენს რამდენიმე ჭრილობა მიაყენეს, ის საავადმყოფოში გადაიყვანეს, თუმცა ექიმებმა მისი გადარჩენა ვერ შეძლეს.
დანი ირლანდიის ბოჰემიის აკადემიაში თამაშობდა. კლუბის ადმინისტრაციამ ფეხბურთელის ოჯახს სამძიმარი გამოუცხადა.
"ჩვენი გუნდი ჯოშ დანის ტრაგიკული გარდაცვალების გამო განადგურდა. ის იყო ნიჭიერი და ახალგაზრდა ფეხბურთელი, რომელსაც თანატოლები და მწვრთნელები გამოემშვიდობებიან", - განაცხადეს კლუბის წარმომადგენლებმა.
სამართალდამცველებმა მკვლელობის ფაქტზე სისხლის სამართლის საქმე გახსნეს.
