ისლანდიაში, რეიკიანის ნახევარკუნძულზე ვულკან ფაგრადალსფიალის ამოფრქვევა დაიწყო. ამის შესახებ საინფორმაციო სააგენტო Reuters ისლანდიის მეტეოროლოგიურ დეპარტამენტზე დაყრდნობით აქვეყნებს.
გამოცემის ცნობით, ამოფრქვევის ადგილას დაახლოებით 500-750 მ სიგრძის ბზარი გაჩნდა, საიდანაც ლავის შადრევნები გადმოედინება.
ისლანდიის კეფლავიკის საერთაშორისო აეროპორტიდან ყველა ფრენა გაუქმდა.
აღსანიშნავია, რომ ვულკანის ამოფრქვევა სეისმური აქტივობის ზრდას მოჰყვა. ბოლო რამდენიმე კვირის განმავლობაში ისლანდიაში 40 000-მდე მიწისქვეშა ბიძგი დაფიქსირდა.
