ისრაელის ჯანდაცვის მინისტრმა იაკოვ ლიცმანმა თანამდებობა დატოვა. ამის შესახებ ინფორმაციას ისრაელის მე-13 სამაუწყებლო ტელევიზია ავრცელებს.
”ჯანდაცვის მინისტრმა იაკოვ ლიცმანმა შაბათს პრემიერ-მინისტრ ბენიამინ ნეთანიაჰუს განუცხადა, რომ მას თანამდებობიდან წასვლა სურს და საცხოვრებლი ადგილების მშენებლობის მინისტრის თანამდებობას ითხოვს”, - ნათქვამია ტელევიზიის განცხადებაში.
ადგილობრივი მაუწყებლობის ჟურნალისტები აღნიშნავენ, რომ ლიცმანის მიმართ კორონავირუსის ეპიდემიაზე რეაგირების საკითხებთან დაკავშირებით დიდი კრიტიკა წამოვიდა. თავად, ჯანდაცვის მინისტრი კორონავირუსისგან მარტის თვეში დაინფიცირდა და დაავადება გართულებების გარეშე გადაიტანა.