ისრაელის პრეზიდენტი რეუვენ რივლინი პოლიტიკური პარტიების ლიდერებთან კოალიციური მთავრობის ფორმირების საკითხზე კონსულტაციებს იწყებს. ინფორმაციას ადგილობრივი მედია ავრცელებს.
ასევე ცნობილია, რომ რივლენი დღის განმავლობაში 13-ვე პარტიის წარმომადგენელს შეხვდება, რომლებმაც გასულ თვეში საპარლამენტო არჩევნების დროს "ქნესეთში" მანდატები მოიპოვეს. გარდა ამისა, კონსულტაციების შედეგად, ქვეყნის ლიდერი ერთ-ერთ კანონმდებელს სამთავრობო კოალიციის შექმნას დაავალებს.
შეგახსენებთ, რომ 23 მარტს ისრაელში გამართულ საპარლამენტო არჩევნებში პრემიერ-მინისტრ ბენიამინ ნეთანიაჰუს პარტია "ლიკუდმა" პარლამენტში უმრავლესობის მოსაპოვებლად საკმარისი რაოდენობის მანდატების მიღება ვერ შეძლო.