ისრაელში, თელ-ავივის სურასკის სამედიცინო ცენტრის მკლევარებმა მსოფლიოში პირველი ,COVID-19″-ის საწინააღმდეგო პრეპარატი შექმნეს, რომელმაც ტესტირების პირველი ეტაპი წარმატებით გაიარა. ამის შესახებ ინფორმაციას The Jerusalem Post ავრცელებს.
გამოცემის ცნობით, 30 კოვიდინფიცირებული პაციენტიდან, რომლებმაც პრეპარატი EXO-CD24 მიიღეს, 29 პაციენტი 3-5 დღეში გამოჯანმრთელდა. სამედიცინო ცენტრის კორონავირუსის კვლევის მიმართულების ხელმძღვანელის, პროფესორი ნადირ არბერის განცხადებით, 30-ე პაციენტიც გამოჯანმრთელდა, მაგრამ მას რამდენიმე დღით მეტი დასჭირდა.
პრეპარატი თავიდან კიბოს სამკურნალოდ შეიქმნა და ის ეგზოსომებს შეიცავს. EXO-CD24 გამდიდრებულ CD24-ეზოსომებს შეიცავს და მისის შესუთქვა პირდაპირ ფილტვებში ხდება. პრეპარატის შესუნთქვა ციტოკინების რაოდენობის შემცირებას უწყობს ხელს.
პრეპარატი ზომიერი და კრიტიკულ მდგომარეობამდე მყოფი პაციენტებისთვის არის გამიზნული.
აღნიშნულის თაობაზე განცხადება საქართველოში ისრაელის ელჩმა რან გიდორმაც გააკეთა. მან დაადასტურა, რომ კორონავირუსის საწინააღმდეგო პრეპარატის კვლევის პირველი ფაზა დასრულდა.
