ისრაელის ხელისუფლებამ ვაქცინაციის პროგრამა გააფართოვა. საინფორმაციო სააგენტო Reuters-ის ინფორმაციით, ამ ეტაპზე კორონავირუსზე ვაქცინაცია უკვე 16-დან 18 წლამდე პირებსაც უტარდებათ, რათა სკოლის გამოცდების ჩაბარება შეუფერხებლად შეძლონ.
ისრაელის ჯანდაცვის მინისტრის იული ედელშტეინის განცხადებით, მოსწავლეებს ვაქცინის გაკეთება მშობლების ნებართვით შეეძლებათ.
ისრაელში, სადაც სულ 9 მილიონი ადამიანი ცხოვრობს, ვაქცინაცია მოსახლეობის 25%-ზე მეტს ჩაუტარდა.
პირველ ეტაპზე ვაქცინა ხანდაზმულმა და მაღალი რისკ ჯგუფის პირებმა მიიღეს. ამ ეტაპისთვის კი კორონავირუსზე ვაქცინაცია 40 წელს გადაცილებულ ნებისმიერ მსურველს უტარდება.