იტალიაში ერთი დღის განმავლობაში კოროვირუსით ინფიცირების 1,071 ახალი შემთხვევა დაფიქსირდა, რაც მაისის თვის შემდეგ რეკორდული მაჩვენებელია. ამის შესახებ განცხადებას იტალიის ჯანდაცვის სამინისტრო ავრცელებს.
ქვეყანაში ინფიცირებულთა საერთო რაოდენობა 258,136-მდე გაიზარდა.
გარდაცვლილთა რიცხვი 35,430-ს შეადგენს. დაავადებას გასული 24 საათის განმავლობაში კიდევ 3 ადამიანი ემსხვერპლა.
იტალიაში კორონავირუსისგან 205,203 პაციენტი გამოჯანმრთელდა. ამჟამად ინფიცირებულთა რიცხვი 17,503-ს შეადგენს.