იტალიაში საზოგადოებრივი ორგანიზაციის Noi Denunceremo-ს წევრები აპირებენ ქვეყნის მთავრობის წინააღმდეგ სისხლის სამართლის აღძვრას ითხოვენ. მათ ადგილობრივ პროკურატურას უკვე მიმართეს. ისინი ხელისუფლებას პანდემიის წინააღმდეგ არაადეკვატური ზომების მიღებაში ადანაშაულებენ.
ცნობილია, რომ ორგანიზაცია გასული წლის აპრილში ლომბარდიის ქალაქ ბერგამოში კორონავირუსით გარდაცვლილი მოქალაქეების ინტერესების დასაცავად შეიქმნა.
ორგანიზაციის ხელმძღვანელის განცხადებით, მთავრობის ქმედებების წინააღმდეგ სამოქალაქო სარჩელი შედგა. მისი თქმით, იტალიის მართლმსაჯულების სისტემა, სავარაუდოდ, არ დაუშვებს ზიანის ანაზღაურებას. თუმცა, თუ მათი მოთხოვნა დაკმაყოფილდა, იტალიაში სისხლის სამართალი კომპენსაციის მოთხოვნის საშუალებას იძლევა სახელმწიფოსგან, მინისტრებისგან და ასევე იმ ადამიანებისაგან, რომლებმაც შეცდომები დაუშვეს.
შეგახსენებთ, იტალიაში კორონავირუსი პირველად გასული წლის 20 თებერვალს ლომბარდიაში აღმოაჩინეს, ქვეყნის ჩრდილოეთით მდებარე რეგიონში, სადაც ჩინელი ემიგრანტების დიდი რაოდენობა ცხოვრობს. ამის შემდეგ დაავადება სწრაფად გავრცელდა პროვინციებში, რამდენიმე კვირის განმავლობაში იტალია ევროპაში ინფიცირებულთა და მსხვერპლთა რაოდენობით ლიდერობდა.
