იტალიაში კორონავირუსით ბოლო 24 საათის განმავლობაში 610 ადამიანი გარდაიცვალა, ხოლო 1,165 დაინფიცირდა, რითაც ინფიცირებულთა რაოდენობა 1,7%-ით გაიზარდა. სულ COVID-19-ს 18,279 ადამიანი ემსხვერპლა. ამის შესახებ ქვეყნის სამოქალაქო თავდაცვის სამსახურის უფროსმა, ანჯელო ბორელიმ განაცხადა.
იტალიაში, გარდაცვლილთა და გამოჯანმრთელებულთა ჩათვლით, კორონავირუსით ინფიცირების 143,626 შემთხვევა ფიქსირდება.
გამოჯანმრთელებულთა რაოდენობა 28,470-მდე გაიზარდა.
ქვეყანაში ამჟამად კორონავირუსით ინფიცირებული 96,877 აქტიური პაციენტია.
