იტალიაში COVID-19-ის ინფექციას გასული დღე-ღამის განმავლობაში 464 ადამიანი ემსხვერპლა, შედეგად გარდაცვლილთა რაოდენობა 25,549-მდე გაიზარდა. ამის შესახებ იტალიის სამოქალაქო თავდაცვის სამსახურმა განაცხადა.
ბოლო ერთ დღეში კიდევ 3033 პაციენტი გამოჯანმრთელდა, რითაც კორონავირუსისგან განკურნებულთა რაოდენობამ 57,576 ადამიანს მიაღწია.
”დღევანდელი მონაცემები განსაკუთრებით დამაიმედებელია. ერთ დღეში გამოჯანმრთელებულთა რიხვმა ინფიცირებულთა რაოდენობას პირველად გადააჭარბა", - განაცხადა სამოქალაქო თავდაცვის სამსახურის ხელმძღვანელმა, ანჯელო ბორელმა.
ქვეყანაში ინფიცირებულთა რაოდენობამ 189 973-ს მიაღწია, მათ შორის, 2646 ახალი შემთხვევა დაფიქსირდა ბოლო 24 საათში.
