იტალიის წამლის სააგენტომ (AIFA) 60 წლამდე ადამიანებში კორონავირუსის საწინააღმდეგო კომბინირებული ვაქცინების გამოყენების ნებართვა გასცა. ინფორმაციას ამის შესახებ გაზეთი Il Messaggero ავრცელებს.
ნებართვის თანახმად, პირველ აცრას ადამიანს AstraZeneca-ს პრეპარატით გაუკეთებენ, მეორეს შემთხვევაში კი მას შესაძლებლობა ექნება, აირჩიოს იგივე პრეპარატი, ან სინთეთიკურ რნმ-ზე დაფუძნებული ნებისმიერი სხვა ვაქცინა, მაგალითად Moderna ან Pfizer.
ამასთან, გამოცემა წერს, რომ ახალმა გარემოებებმა ვაქცინაციის კამპანიებში არეულობები შეიტანა. რამდენიმე რეგიონში ახალი განკარგულების შესრულებას თავს არიდებენ, რადგან AstraZeneca-ს ვაქცინის მეორე დოზა ადამიანმა 12 კვირის შემდეგ უნდა მიიღოს, Pfizer-ისა დ Moderna-ს პრეპარატები კი - 40 დღის შემდეგ. არის შიში, რომ ვაქცინები საკმარისი არ აღმოჩნდება.
იტალიის ხელისუფლება მოსახლეობის იმუნიზაციის დასრულებას სექტემბრისთვის ვარაუდობს.