იტალიის ქალაქ არდეას ქუჩაში, სროლის შედეგად დაღუპული მამაკაცის შვილიშვილების გადარჩენა ვერ მოხერხდა.
იტალიური მედიის ცნობით, სროლის შედეგად დაშავებული 3 და 8 წლის ბავშვები შემთხვევის ადგილიდან კლინიკაში მალევე გადაიყვანეს, თუმცა მათი გადარჩენა ექიმებმა ვეღარ შეძლეს.
ქალაქ არდეას მერმა მარიო სავარესემ იტალიურ ტელეარხს განუცხადა, რომ ბოროტმოქმედი, ვინც ქუჩაში ცეცხლი გახსნა, შემთხვევის ადგილიდან მიიმალა, მაგრამ კარაბინიერებმა ის მალევე იპოვეს.
შეგახსენებთ, რომ იტალიის ქალაქ არდეას ქუჩაში უცნობმა პირმა სროლა დაიწყო, რის შედეგადაც ხანში შესული მამაკაცი ადგილზევე დაიღუპა, ხოლო მისი 2 შვილიშვილი მძიმედ დაიჭრა.
