ჯანდაცვის საერთაშორისო ორგანიზაციის განცხადებით, გასული დღე-ღამის განმავლობაში მსოფლიოში კორონავირუსის შემთხვევების რაოდენობა რეკორდულად გაიზარდა. 24 საათის განმავლობაში მსოფლიოში დაახლოებით 260 ათასი ადამიანი კორონავირუსით დაინფიცირდა, ხოლო 7,360 გარდაიცვალა.
ერთი დღის განმავლობაში ინფიცირებულთა რეკორდული რაოდენობა ბოლოს გუშინ დაფიქსირდა, როდესაც COVID-19-ით 24 საათში 237,743 პირი დაინფიცირდა.
ამრიგად, მსოფლიოში ინფექციის შემთხვევების საერთო რაოდენობამ 138 მილიონს გადააჭარბა, ხოლო გარდაცვლილთა რიცვი 593 ათასს აჭარბებს.
ინფიცირების ყველაზე მეტი შემთხვევა აშშ-ში, ბრაზილიაში და ინდოეთში ფიქსირდება.
