ჯანდაცვის მსოფლიო ორგანიზაციის დირექტორი, ტედროს ადანომ გებრეისუსი ქვეყნებს მოუწოდებს, ღარიბი რეგიონების დასახმარებლად კორონავირუსის საწინააღმდეგო ვაქცინები გაიღონ. განცხადება ჯანმო-ს ხელმძღვანელმა Twitter-ის ოფიციალურ გვერდზე გამოაქვეყნა.
"ქვეყნებს, რომლებსაც COVID-19-ის ვაქცინის ჯანმო-ს მიერ გადაუდებელი გამოყენების ნებართვის მქონე დოზები აქვთ, მოვუწოდებ, რაც შეიძლება მეტი დოზა გაიღონ, ხოლო, მწარმოებლებს ვთხოვ, დაეხმარონ ამ ქვეყნებს ვაქცინის დოზების სწრაფად ტრანსპორტირებაში", - განაცხადა ტედროს ადანომ გებრეისუსმა.
მან ასევე აღნიშნა, რომ Covax-ის პროგრამას სასწრაფოდ ესაჭიროება ვაქცინის 10 მილიონი დოზა.
Iâm asking countries with doses of #COVID19 vaccines that have @WHO Emergency Use Listing to donate as many doses as they can, and Iâm asking manufacturers to help ensure these countries can rapidly donate those doses. We have only 15 days left to deliver on #VaccinEquity! pic.twitter.com/SA7SCqOoKn
— Tedros Adhanom Ghebreyesus (@DrTedros) March 26, 2021