ჯანდაცვის მსოფლიო ორგანიზაციამ ინდური ბიოტექნოლოგიური კომპანია Bharat Biotech-ის, კორონავირუსის საწინააღმდეგო ვაქცინა Covaxin გადაუდებელი გამოყენებისთვის დაამტკიცა. ინფორმაციას CNN ავრცელებს.
მწარმოებელ კომპანიაში აცხადებენ, რომ მათი ვაქცინა კორონავირუსის მიმართ 78%-ით ეფექტურია.
სტრატეგიულმა საკონსულტაციო ჯგუფმა 18 წელს გადაცილებული პირების 2 დოზით, 4-კვირიანი ინტერვალით, აცრის რეკომენდაცია გასცა.
Covaxin კორონავირუსის საწინააღმდეგო მეშვიდე ვაქცინაა, რომელიც ჯანდაცვის მსოფლიო ორგანიზაციამ გადაუდებელი მიზნებით გამოყენებისთვის დაამტკიცა. ჯანმო-ს მიერ დღემდე დამტკიცებულია შემდეგი კომპანიების ვაქცინები: Pfizer/BioNTech, Moderna, AstraZeneca, Johnson & Johnson, Sinovac Biotech და Sinopharm.
