ჯანდაცვის მსოფლიო ორგანიზაციის COVAX პროგრამა მშვიდობის დარგში ნობელის პრემიაზე წარადგინეს. ამის შესახებ გამოცემა The Guardian წერს.
ჯანმო-ს COVAX პროგრამა ღარიბი ქვეყნებისათვის კორონავირუსის ვაქცინის სამართლიანი განაწილების უზრუნველყოფის მიზნით შეიქმნა. COVAX-ის პლატფორმის მეშვეობით, ღარიბი ქვეყნებისათვის ვაქცინების მიწოდება თებერვლიდან დაიწყება.
გამოცემის ცნობით, ნობელის პრემიაზე ასევე წარდგენილია GAVI-ს ვაქცინების ალიანსი, რომელიც ღარიბ ქვეყნებში იმუნიზაციის გაზრდაზე მუშაობს.
ორივე ორგანიზაცია ნობელის პრემიაზე ნორვეგიელმა დეპუტატებმა წარადგინეს.
ნობელის პრემიის გასული წლის ლაურეატი მსოფლიო საკვების პროგრამა გახდა.