ჯანდაცვის მსოფლიო ორგანიზაციის გენერალური დირექტორი, ტედროს ადჰანომ გებრეისუსი მონაწილეობას მიიღებს გლობალურ სამიტში, რომელზეც ახალი კორონავირუსის საწინააღმდეგო ვაქცინის შექმნაზე იმსჯელებენ. Global Vaccine Summit-ის ორგანიზატორი დიდი ბრიტანეთია. ის 4 ივნისს ონლაი-ფორმატში გაიმართება.
"მოუთმენლად ველოდები შესაძლებობას, შევუერთდე დიდი ბრიტანეთის პრემიერ-მინისტრს, ბორის ჯონსონს ამ ღონისძიებაში", - წერს გებრეისუსი "ტვიტერზე".
ჯანდაცვის მსოფლიო ორგანიზაციის გენერალური დირექტორი ორგანიზაციის მხარდაჭერისთვის დიდი ბრიტანეთს მადლობას უხდის და ვაქცინის შექმნასთან დაკავშირებულ სამეცნიერო-კვლევით საქმიანობაში ქვეყნის წვლილს აღნიშნავს.
I also used the opportunity to thank Prime Minister @BorisJohnson for the continuous support provided to @WHO by the British government and people. We agreed that only with global solidarity can we stop #COVID19 from spreading.
— Tedros Adhanom Ghebreyesus (@DrTedros) May 27, 2020
