ჯანდაცვის მსოფლიო ორგანიზაცია კორონავირუსის პანდემიის დროს კარანტინში ყოფნისა და საკუთარ ჯანმრთელობაზე ზრუნვის სახელმძღვანელო წესებს აქვეყნებს.
ორგანიზაციის მიერ გამოქვეყნებულ სარეკომენდაციო ვიდეოში აღნიშნულია, რომ პანდემიის პერიოდში, კარანტინში გადაყვანამ, შესაძლოა, პიროვნების ფსიქოლოგიურ მდგომარეობაზე უარყოფითად იმოქმედოს თუმცა ეს ნორმალურია და საკუთარ ჯანმრთელობაზე ზრუნვა საკუთარ ხელში უნდა ავიღოთ.
"გამოიყენეთ ეს დრო საკუთარ თავზე ზრუნვისათვის. ეკონტაქტეთ თქვენს საყვარელ ადამიანებს, უყურეთ ფილმებს, წაიკითხეთ წიგნები, ივარჯიშეთ, დაკავდით ხელსაქმით, დაიწყეთ იმის კეთება, რისთვისაც წარსულში დროს ვერასოდეს პოულობდით", - ნათქვამია ჯანმო-ს მიმართვაში. ორგანიზაცია კარანტინში მყოფ პირებს მოუწოდებს, გარეთ არ გავიდნენ და საჭირო პროდუქტების მოტანა ახლობლებს დააბარონ, ან მიტანის სერვისით ისარგებლონ. ამასთან, ვიდეოში აღნიშნულია, რომ კარანტინში ყოფნის პერიოდშიც აუცილებელია, მუდმივად ვიზრუნოთ პირად ჰიგიენაზე და გავანიავოთ ჩვენი ოთახი.
During the #COVID19 pandemic, you may be asked to quarantine. Here is some advice on how to take care of yourself during that time pic.twitter.com/qrBRAREYdJ
— World Health Organization (WHO) (@WHO) April 3, 2021
