აშშ-ის დემოკრატიულმა პარტიამ ჯო ბაიდენი 2020 წლის არჩევნებში პრეზიდენტობის კანდიდატად დაამტკიცა. კენჭისყრა პარტიის საყოველთაო ყრილობაზე, ვისკონსინის შტატში, მილოუკიში შედგა. პანდემიის გამო ხმის მიცემის პორცედურა ვირტუალურ რეჟიმში ჩატარდა. ბაიდენის მთავარი მოწინააღმდეგე ბერნი სანდერსი იყო - სენატორი ვერმონტის შტატიდან. კენჭისყრის მონაწილეები სათითაოდ, ხმამაღლა აცხადებდნენ საკუთრი დელეგატების გადაწყვეტილებას, რომელთა უმეტესობამ არჩევანი ჯო ბაიდენის სასარგებლოდ გააკეთა.
ყოფილმა ვიცე-პრეზიდენტმა ჯო ბაიდენმა, 3 550 ხმით, მინიმალური ბარიერი გადალახა და გაიმარჯვა. ბერნი სანდერსმა დელეგატთა 1150 ხმა მიიღო.
მედეა ცხოვრებაძე
ავტორი