ამერიკული კომპანია Johnson&Johnson საბავშვო ფხვნილს მთელი მსოფლიოს მასშტაბით უკან იწვევს. მიზეზი ისაა, რომ პროდუქტი, შესაძლოა, ასბესტს შეიცავდეს, რომელიც კიბოს იწვევს.
სკანდალი მას შემდეგ აგორდა, რაც სახელმწიფო საკონტროლო შესყიდვის შედეგად ექსპერტებმა ფხვნილის შემადგენლობაში კანცეროგენული ნივთიერებები აღმოაჩინეს.
ზაფხულში მისურის სასამართლომ კორპორაცია Johnson&Johnson-ს 22 დაზარალებული ქალისთვის კომპენსაციის სახით 4,14 მილიარდი დოლარის გადახდა დააკისრა. დაზარალებულები აცხადებდნენ, რომ კომპანიის პროდუქციის მოხმარების შემდეგ მათ სიმსივნე განუვითარდათ.
