ჯორჯიის შტატში, ქალაქ სავანაში სროლის შედეგად ერთი ადამიანი დაიღუპა და 8 დაიჭრა.
ადგილობრივი მედიის ცნობით, სროლა 21:00 საათზე პოლიციის განყოფილებიდან რამდენიმე კვარტალის მოშორებით მოხდა.
ორი დაჭრილის ჯანმრთელობის მდგომარეობა კრიტიკულია. დაჭრილებს შორის არიან 2 და 13 წლის ბავშვები, თუმცა მათ სიცოცხლეს საფრთხე არ ემუქრება.
შემთხვევის ადგილი პოლიციას გადაკეტილი აქვს და მიმდინარეობს საგამოძიებო-სამძებრო სამუშაოები.
გავრცელებული ინფორმაციით, დანაშაულის მოტივი ჯერჯერობით უცნობია.
