ქაბულის აეროპორტში ტერაქტის შედეგად დაღუპულთა რიცხვი 200-მდე გაიზარდა. ინფორმაციას „უოლ სტრიტ ჯორნალი“ ჯანდაცვის სამინისტროს მაღალჩინოსანზე დაყრდნობით ავრცელებს.
„ქაბულის ცენტრში მდებარე კლინიკის, Wazir Akbar Khan Hospital-ის განცხადებით, მათ 145 ცხედარი მიიღეს.
"ეს იყო ერთ-ერთი ყველაზე მასშტაბური ტერაქტი ავღანეთში 20-წლიანი ომის ისტორიაში“, – წერს გამოცემა.
შეგახსენებთ, რომ ავღანეთის დედაქალაქ ქაბულში, ჰამიდ კარზაის საერთაშორისო აეროპორტის ტერიტორიაზე ტერაქტი განხორციელდა.
ტერაქტის შედეგად აშშ-ის არმიის 13 ჯარისკაცი დაიღუპა, რომლებიც მოქალაქეებს ევაკუაციაში ეხმარებოდნენ.
აფეთქებების სერიის შემდეგ უცხოელებისა და ავღანეთის მოქალაქეების ევაკუაცია განახლდა.
