ავღანეთის დედაქალაქ ქაბულში, 21 ნოემბრის დილით განხორციელებული სარაკეტო თავდასხმის შედეგად, სულ მცირე, 3 ადამიანი დაიღუპა, ხოლო 11 დაშავდა. ამის შესახებ საინფორმაციო სააგენტო Anadolu იუწყება.
შინაგან საქმეთა სამინისტროს სპიკერმა ტარიქ არიანმა განაცხადა, რომ ქაბულის მიმართულებით სულ 14 რაკეტა ისროლეს.
გავრცელებული ინფორმაციით, ინციდენტის შედეგად გარდაცვლილთა შორის თავდაცვის სამინისტროს ოფიციალური წარმომადგენელია.
ამ დრომდე, მომხდარზე პასუხისმგებლობა რომელიმე ტერორისტულ ორგანიზაციას არ აუღია.
