იემენის ქალაქ ადენში, პრეზიდენტის სასახლესთან აფეთქება მოხდა. ამის შესახებ ინფორმაციას. სააგენტო Reuters ავრცელებს.
პრეზიდენტის სასახლეში იემენის ახალი მთავრობის წევრები იმყოფებიან.
იემენის ახალი მთავრობის წარმომადგენლები აქ მას შემდეგ გადაიყვანეს, რაც რამდენიმე საათის წინ ადენის აეროპორტში აფეთქება მოხდა. ის მაშინ მოხდა, როდესაც აეროპორტში ახალი მთავრობა ჩამოფრინდა. მინისტრები საუდის არაბეთიდან ჩამოვიდნენ.
აეროპორტში მომხდარი აფეთქების შედეგად დაღუპულთა რიცხვი 22-მდე გაიზარდა, 50 ადამიანი დაშავდა.
