კალიფორნიის მკვიდრმა გააკეთა ხელნაკეთი ბომბები და დაგეგმა თავდასხმები დემოკრატებზე, რადგან მიაჩნია, რომ აშშ-ის ყოფილმა პრეზიდენტმა, დონალდ ტრამპმა არჩევნებში გაიმარჯვა.
ფედერალური პროკურორების განცხადებით, ეჭვმიტანილის ტელეფონში აღმოჩენილია დემოკრატებზე თავდასხმის გეგმა. მისი სახლისა და ოფისის ჩხრეკის შემდეგ, სამართალდამცავებმა 49 იარაღი და ხუთი ასაფეთქებელი მოწყობილობა ამოიღეს. ეჭვმიტანილის თქმით, თვითნაკეთი ბომბები გასართობად იყო შექმნილი.
შეგახსენებთ, 6 იანვარს დონალდ ტრამპის მომხრეები კაპიტოლიუმის შენობაში შეიჭრნენ. მოგვიანებით კი კონგრესმა ბაიდენი ამერიკის შეერთებული შტატების 46-ე პრეზიდენტად ოფიციალურად დაამტკიცა.
