კალიფორნიაში მაღალი ტემპერატურის გამო უკვე რამდენიმე დღეა ტყის ხანძარი მძვინვარებს. კალიფორნიის სამხრეთ ნაწილში ხანძრის შედეგად დამწვარია ათასობით ჰექტარის ფართობის ტერიტორია. შემთხვევის ადგილიდან ასობით მცხოვრების ევაკუაცია გახდა საჭირო.
ამ დროისათვის სახანძრო-სამაშველო სამსახური ხანძრის რამდენიმე კერას ებრძვის. ადგილობრივი მედიის ინფორმაციით, ხანზრახი მამაკაცმა გააჩინა. სამართალდამცველები ხანძრის გაჩენაში ეჭვმიტანილ მამაკაცს ეძებენ, მისი ვინაობა იდენტიფიცირებულია.
ადგილობრივი ხელისუფლების განკარგულებით, პლუმასისა და ლასენის დასახლებული რაიონებიდან მოსახლეობის ევაკუაცია დაიწყო. ხანძარსაწინააღმდეგო სამუშაოებში ჩართულია ვერტმფრენები და თვითმფრინავები. ხანძრის ჩაქრობას ძლიერი სიცხე აფერხებს.
ცეცხლი ტბა ჰიუზის მახლობლად შუადღისას გაჩნდა და ასობით კვადრატულ მეტრზე ძალიან სწრაფად გავრცელდა.
