მომდევნო 10 წლის განმავლობაში კანადა საერთაშორისო დახმარებას ყოველწლიურად გაზრდის. ამის შესახებ ნათქვამია მანდატში, რომელიც პრემიერ-მინისტრმა, ჯასტინ ტრიუდომ ქვეყნის საერთაშორისო განვითარების მინისტრს, კარინე გულდს გადასცა.
"თქვენ კანადის საერთაშორისო დახმარების გაწევა მოგიწევთ, რომელიც 2030 წლამდე ყოველწლიურად გაიზრდება და გაერო-ს მდგრადი განვითარების მიზნების განხორციელების მზადყოფნას ასახავს", - ნათქვამია დოკუმენტში.
ტრიუდო აღნიშნავს, რომ საერთაშორისო დახმარების გაწევისას ფემინისტური პრინციპების გათვალისწინება აუცილებლად უნდა მოხდეს.
"განვითარებად ქვეყნებში ქალებისთვის შესაძლებლობები უნდა შეიქმნას", - განაცხადა პრემიერმა.
