კანადის აღმოსავლეთ ნაწილში, კვებეკის პროვინციაში მასიური ხანძარი მძვინვარებს. ამის შესახებ CBC იუწყება.
ხანძარი ტყის მასივში გაჩნდა. გამოცემის ცნობით, ცეცხლი 58 ათასი ჰექტარზეა გავრცელებული. ხანძარი უახლოვდება პიპმუანკის წყალსაცავს, რომლის გარშემოც ათეულობით საცხოვრებელი კორპუსი და ჰიდროელექტროსადგური მდებარეობს. ჰიდროელექტროსადგური ელექტროენერგიით ამარაგებს ლაკ-სენ-ჟანის რეგიონის 85,000 მოსახლეს.
ამ დროისათვის ხანძრის ჩაქრობას 50-მდე მეხანძრე-მაშველთა ჯგუფი ცდილობს.
საგანგებო სიტუაციების სამსახური აღნიშნავს, რომ მსხვერპლის შესახებ ინფრომაცია არ ვრცელდება.
