საფრანგეთის საკურორტო ქალაქ კანში, კრუაზეტის სანაპიროზე სროლის შესახებ ინფორმაციას მასობრივი პანიკა მოჰყვა. ადამიანები ანგარიშმიუცემლად გარბოდნენ და ერთმანეთი გადათელეს. ადგილზე 100-მდე მეხანძრე იყო მობილიზებული. 44 დაშავებული საავადმყოფოში გადაიყვანეს.
ქალაქის მერის დევიდ ლინარის განცხადებით, პანიკა ერთ ფრაზას მოჰყვა.
" კანში არც ცეცხლსასროლი იარაღით სროლას ჰქონია ადგილი, არც ვინმე შეშლილი გამოჩენილა. ეს იყო კოლექტიური სიგიჟის საუკეთესო მაგალითი, მას შემდეგ, რაც ვიღაცამ დაიძახა, "ისვრიან", - დაწერა "ტვიტერის" საკუთარ გვერდზე ქალაქის მერმა.
ინციდენტის შედეგად სერიოზულად არავინ დაშავებულა და პოლიციას არავინ დაუკავებია.
