ეს ბიბლიური სცენა არ არის, ეს უბრალოდ დამთხვევაა. კანზასში ძროხა, ვირი და აქლემი საკუთარი ფერმისკენ მიმავალ გზას მიუყვებოდნენ. ისინი საბალახოდ იყვნენ გამოსულები და დროებით თავიანთ მეგობარ, ფერმის შინაურ ცხოველებს ჩამოშორდნენ, რათა პატრონთან დაბრუნებამდე, დროებითი თავისუფლების სიამოვნებით დამტკბარიყვნენ.
ისინი ზუსტად ისე გამოიყურებოდნენ, როგორც ბიბლიურ სიუჟეტში იერუსალიმისკენ მიმავალ გზაზე მათი თანამოძმენის მოგზაურობაა აღწერილი.
პოლიციის კაპიტნის, ლენს ბიგლის განცხადებით, ისინი საკუთარი ფერმებიდან ცალ-ცალკე გაიქცნენ, თუმცა, რადგან ეს ერთადერთი თავისუფალი გზა აღმოჩნდა ერთმანეთის თანამგზავრები გახდნენ. სამწუხაროდ უცნაურ ტრიოს „ჩრდილოეთის ვარსკვლავისკენ“ სიარულით ტკბობა დიდ ხანს არ გაუგრძელდა, რადგან ისინი სამართალდამცავებმა მალევე აღმოაჩინეს.
პოლიციამ განაცხადა: „თუ მათი პატრონები არ გამოჩნდებიან, შეიძლება ჩავთვალოთ, რომ შობა ნაწილობრივ გაცოცხლდა“.
ცხოველების მფლობელი, რომლის ვინაობა ჯერ არ სახელდება, ნაპოვნია. პოლიციას ცხოველების პატრონისათვის მალე დაბრუნება სურს, რადგან გზაზე სეირნობისას მათ სიცოცხლეს შეიძლება დიდი საფრთხე დაემუქროს.
ანი იმედაძე
ავტორი