კაპიტოლიუმის პოლიციის ოფიცერმა, ჰოვარდ ლიბენგუდმა, სავარაუდოდ, თავი მოიკლა. ინფორმაციას ამის შესახებ სააგენტო Associated Press ავრცელებს.
10 იანვარს ვაშინგტონის ხელისუფლებამ გამოაცხადა 51 წლის პოლიციელის გარდაცვალების შესახებ, რომელიც აშშ-ს კონგრესში მომხდარი არეულობების აღკვეთაში მონაწილეობდა. მაშინ გარდაცვალების მიზეზი დასახელებული არ იყო. ცნობილია, რომ იგი მოვალეობის შესრულების დროს არ გარდაცვლილა.
Associated Press-ის წყაროების თქმით, ლიბენგუდი "აშკარა თვითმკვლელობის" შედეგად გარდაიცვალა. ამავე დროს, უცნობია, დაკავშირებულია თუ არა ეს 6 იანვრის მოვლენებსა და კაპიტოლიუმის შტურმთან.
ოფიცერი ჰოვარდ ლიბენგუდი აშშ-ს სენატის სამმართველოში 2005 წლიდან მსახურობდა. კაპიტოლიუმს 1980-იან წლებში კი მისი მამა იცავდა.
ცნობისთვის, აშშ-ის კონგრესს საპრეზიდენტო არჩევნების შედეგები უნდა დაემტკიცებინა, რომლის თანახმად, აშშ-ის 46-ე პრეზიდენტად ჯო ბაიდენი გამოცხადდა. ყოველივე ამის ფონზე, აშშ-ის 45-ე პრეზიდენტის, დონალდ ტრამპის მხარდამჭერები კონგრესის შენობაში შეიჭრნენ.
