6 იანვარს, დემონსტრანტების მიერ კაპიტოლიუმში შეჭრის საქმეზე ხელისუფლებამ 280 ადამიანი დააკავა. ამის შესახებ გამოცემა The Hill იუსტიციის დეპარტამენტზე დაყრდნობით იუწყება.
გამოცემის ცნობით, მომხდართან დაკავშირებით ბრალი თავდაპირველად 300-ზე მეტ ადამიანს ჰქონდა წაყენებული. ამ ეტაპისათვის გამოძიება დაჩქარებული წესით მიმდინარეობს. ხელისუფლების წარმომადგენლები პირობას დებენ, რომ სამართლიანობა აღდგება და კანონის წინაშე ყველა დამნაშავე პასუხისგებაში მიეცემა.
The Washington Post-ის ცნობით, კაპიტოლიუმზე ვაშინგტონის არეულობების შედეგად მიყენებული ზარალი 500 მილიონს აღემატება. შენობის აღსადგენად სახელმწიფო ბიუჯეტიდან 30 მილიონი დოლარი გამოიყო.
შეგახსენებთ, 6 იანვარს აშშ-ის მოქმედი პრეზიდენტის, დონალდ ტრამპის მხარდამჭერები კაპიტოლიუმის შენობაში შეიჭრნენ, სადაც კონგრესის გაერთიანებულ სხდომაზე საპრეზიდენტო არჩევნების შედეგების დამტკიცება მიმდინარეობდა. დემონსტრანტებმა ჩაშალეს სხდომა და დაარბიეს კაპიტოლიუმის შენობა. დაპირისპირებას 5 ადამიანი ემსხვერპლა და ათობით დაშავდა.
