კარიბის ზღვის კუნძულებს ორი ქარიშხალი - მარკო და ლორა დაატყდა თავს, რის შედეგადაც 12 ადამიანი დაიღუპა. ინფორმაციას BBC ავრცელებს.
გავრცელებული ინფორმაციით, ორმა ქარიშხალმა 9 ადამიანი ჰაიტიზე, 3 კი დომინიკის რესპუბლიკაში იმსხვერპლა. ძლიერმა წვიმამ ასევე კუბასა და აშშ-ის პუერტო რიკოს ტერიტორიას შეუტია.
სინოპტიკოსების თქმით, ქარიშხალი ლორა, შესაძლოა, ლუიზიანას აღმოსავლეთით დაიძრას და ეს იქნება ისტორიაში პირველი შემთხვევა, როდესაც სახელმწიფოს ორი ქარიშხალი ერთად დაატყდა თავს.
დომინიკის რესპუბლიკაში სტიქიურმა უბედურებამ 200 სახლი დააზიანა, ხოლო 1 000-ზე მეტი ადამიანის ევაკუაცია გახდა საჭირო.
თეკო გიორგაძე
ავტორი