კენიაში კალიების შემოსევას ებრძვიან. პენის სახელმწიფო უნივერსიტეტის ბიოლოგიის პროფესორმა დევიდ ჰიუზიმ „ტვიტერზე“ გამოაქვეყნა ვიდეოები, სადაც ასახულია ერთ ტერიტორიაზე თავმოყრილი მილიარდობით მწერი.
გაეროს სურსათისა და სოფლის მეურნეობის ორგანიზაციამ (FAO) პროფესორი ქვეყანაში პრობლემის შესასწავლად და გამოსავლის საპოვნელად მიავლინა. მისი განცხადებით, არსებული სურათი შესაძლოა ბოლო 70 წლის განმავლობაში უპრეცედენტო იყოს.
.@FAO survey on shores Lake Turkana (Northern Kenya) to assess swarm. These are yellow and of life adults mating pic.twitter.com/NY83z8zUk9
— David Hughes (@zombieantguy) February 22, 2020
.@FAO survey on shores Lake Turkana (Northern Kenya) to assess swarm. These are yellow and of life adults mating pic.twitter.com/NY83z8zUk9
— David Hughes (@zombieantguy) February 22, 2020
დევიდ ჰიუზი ამბობს, რომ კალიები სტანდარტულთან შედარებით დიდი ზომისანი არიან. ამას შესაძლოა ხელი შეუწყო აფრიკისთვის არადამახასიათებელმა ძლიერმა წვიმებმა, რომელიც კონტინენტის ჩრდილოეთით გასული წლის ოქტომბერში მოვიდა. კალიებს განვითარებული აქვთ კუნთები და ფრთები. ისინი ინტენსიურად განიცდიან ზრდას.
მეცნიერი აღნიშნულ მოვლენას გლობალურ დათბობას უკავშირებს და ამბობს, რომ მათი რაოდენობა არ შემცირდება. პირიქით, შესაძლოა გაიზარდოს კიდეც, რადგან ამჟამინდელი კვერცხის დების შედეგად, მარტსა და აპრილში კიდევ უამრავი მწერი გამოიჩეკება, რაც „შემოსევის მეორე რაუნდს“ გამოიწვევს.
კენიაში შიშობენ, რომ მოსავლის დიდ ნაწილს დაკარგავენ. ისინი დახმარებისთვის განვითარებულ ქვეყნებს მიმართავენ.
