კიევ-პეჩერის ლავრაში COVID-19-ის 26 ახალი შემთხვევა დადასტურდა. ამის შესახებ კიევის მერმა, ვიტალი კლიჩკომ განაცხადა.
კიევის ხელისუფლების გადაწყვეტილებით იონას-სამების მონასტერი კარანტინის მიზნით დაიხურა.
მანამდე, პარასკევს, კიევ-პეჩერის ლავრაში კორონავირუსი 7 პირს დაუდასტურდა.
სულ კიევში გასულდღე-ღამეში 65 პირი დაინფიცირდა.
შეგახსენებთ, პეჩერის ლავრა და სამი სხვა ეკლესია კიევში კორონავირუსის გავრცელების კერად იქცა. კიევ-პეჩერის ლავრაში COVID-19-ით ინფიცირების 100 შემთხვევაა დადასტურებული. ინფიცირებულთა შორის მონასტრის წინამძღვრებიც არიან. ლავრაში გარდაცვალების ორი ფაქტი დაფიქსირდა. დაიღუპა ერთი ბერი და არქიმანდრიტი ნეკტარიი.
უკრაინაში კორონავირუსით ინფიცირების 5106 შემთხვევაა დადასტურებული, გარდაცვლილია 133 პირი.