უკრაინაში, ქალაქ კიევში, გრიგორენკოს გამზირზე ცხრასართულიანი სახლის აფეთქების შედეგად გარდაცვლილთა რიცხვი სამამდე გაიზარდა. მაშველებმა ნანგრევებიდან 23 პირი გამოიყვანეს.
ამ დროისათვის, სამართალდამცავები არ გამორიცხავენ, რომ კორპუსის აფეთქება ასაფეთქებელმა მოწყობილობამ გამოიწვია.
12:50
უკრაინაში, ქალაქ კიევში, გრიგორენკოს გამზირზე ცხრასართულიან საცხოვრებელ სახლში მომხდარ აფეთქებას ერთი ადამიანი ემსხვერპლა.
საგანგებო სიტუაციების პრესსამსახურის ცნობით, გარდაცვლილის ცხედარი კორპუსის ნანგრევებიდან ამოიტანეს.
ინციდენტის შედეგად დაშავდა 3 ადამიანი. ისინი საავადმყოფოში არიან გადაყვანილნი.
11:45
უკრაინაში, ქალაქ კიევში, გრიგორენკოს გამზირზე ცხრასართულიან საცხოვრებელ სახლში აფეთქება მოხდა. ამის შესახებ ადგილობრივი მედია ქვეყნის საგანგებო სიტუაციების სამსახურის განცხადებაზე დაყრდნობით იუწყება.
აფეთქება ადგილობრივი დროით 10:00 საათზე მოხდა. წინასწარი ვერსიით, აფეთქება გაზის გაჟონვამ გამოიწვია. განადგურებულია სახლის 4,5,6 და 7 სართულები.
შემთხვევის ადგილზე 46 მაშველი და ცხრა ერთეული ტექნიკა მუშაობს.
