ჰელსინკის Vita Laboratories-ის ფინელი ექსპერტების მოსაზრებით, კორონავირუსის ახალი შტამი, შესაძლოა, PCR ტესტირებით არ გამოჩნდეს. ამის შესახებ საინფორმაციო სააგენტო Anadolu იუწყება.
გამოცემის ცნობით, საუბარია კორონავირუსის აქამდე უცნობ, ფინეთში აღმოჩენილ შტამზე, სახელწოდებით Fin-796H, რომელიც განსხვავდება სამხრეთ აფრიკასა და დიდ ბრიტანეთში აღმოჩენილი შტამებისგან.
ფინეთის ხელისუფლება კორონავირუსის პანდემიის ბრძოლის მიზნით კანონმდებლობის გამკაცრებას გეგმავს. მათ, ვინც COVID-19-ზე ტესტის ჩატარებაზე უარს იტყვის, ჯარიმა დაეკისრება, ან სამ თვემდე პატიმრობა ემუქრება.
ცნობისთვის, იაპონიაში კორონავირუსის კიდევ ერთი, სრულიად ახალი შტამი აღმოაჩინეს.
