კორონავირუსის გავრცელების საფრთხის გამო თეთრი სახლი დროებით ექსკურსიების გამართვაზე უარს აცხადებს. ინფორმაციას ამის შესახებ ტელეარხი Fox News ავრცელებს.
"უსაფრთხოების ზომებიდან გამომდინარე, თეთრ სახლში ექსკურსიები დროებით შეწყდება", - აცხადებენ აშშ-ის პრეზიდენტის ადმინისტრაციაში.
ამავე მიზეზით აშშ-ის კაპიტოლიუმი, სადაც კონგრესის ორივე პალატა მუშაობს, საზოგადოებისთვის 1 აპრილამდე დაიხურება. თავად კონგრესმენები, თანამშრომლები და პრესა კი მუშაობას ჩვეულ რეჟიმში გააგრძელებენ.
